RU

Синоптиктер Қазақстанда биылғы қыстың қалай болатынын болжады

Синоптиктер биыл Қазақстанда қыс ерте түседі және қарлы болады деп болжап отыр. Бұл туралы «Қазгидромет» РМК-ға сілтеме жасаған NUR.KZ хабарлайды.

Қараша жауын-шашынды және желді, таңғы және түнгі сағаттарда тұман басып, мұз құбылыстары күтіледі. Айдың екінші жартысында елдің солтүстігі, шығысы және орталығында жел күшейіп, боран соғып, қар күтіледі. Ай бойы суытудың үш толқыны - айдың бірінші, екінші және үшінші онкүндіктерінде күтіледі, әрқайсысы алдындағыдан қарқындырақ болады.

«Қазгидромет» РМК директоры Марина Шмидттің айтуынша, қарашаның соңында біршама аяз күтіледі.

«Қараша айының соңында-ақ Қазақстанның солтүстік жартысында түнде ауа температурасы түнде 30 дейін, күндіз 15 дейін аяз күтіледі. Оңтүстік жартысында түнде минус 15 дейін, күндіз 5 дейін аяз күтіледі», - деqді ол.

Тұрақты қар жамылғысы Қазақстанның солтүстігінде, шығысы мен орталығында - қарашаның ортасында, Қазақстанның оңтүстігі мен батысында - желтоқсанның екінші жартысында күтіледі.

Синоптиктердің ұзақ мерзімді болжамына сәйкес желтоқсанда арктикалық теңіз аудандарынан суық ауа массасының жиі енуінен республиканың шығыс жартысында суық және қарлы, ал батыс жартысында жылы ауа массасының шығуынан - жылы (нормадан 1°С жоғары) және аз қарлы ауа-райы күтілуде.

2018 жылғы қаңтар Азиялық антициклонының ықпалынан, аз қарлы және суық болады. Елдің көп бөлігінде температуралық фон көпжылдық орташа мәннен 1...2°С төмен болады деп болжанады. Тек республиканың батыс және шеткі оңтүстік аймақтарында температуралық фон нормаға жуық болады деп күтілуде. Ай ішіндегі жауын-шашын мөлшері батыста, оңтүстіктің, оңтүстік-шығыс пен шығыстың таулы және тау бөктері аудандарында нормаға жуық күтіледі.

Ақпанда мол қар жауып, қатты жел мен боран күтілуде. Осы ретте біздің Республиканың солтүстік-батыс жартысында ультраполярлық суық ауа массаларының енуімен бірқалыпты аязды, ауа температурасы климаттық нормадан 1...2°С төмен ауа-райы күтілуде, ал еліміздің оңтүстік-шығыс жартысында оңтүстік циклондардың жиі шығуымен температуралық фон климаттық нормаға жуық болады деп күтілуде.

Тағы оқыңыздар:

Оралда балалы келіншекті құрбысымен қоса өлтірген күдіктінің ақыл-есі дұрыс болып шықты

Ресей кей жерлерді Қазақстанға қайтарса да, зымыран ұшыруын тоқтатпайды

Мемлекеттің 50 млн теңгесін "жоқ қылған" лауазымды қызметкер түрмеден құтылып кетті

Оралда саунаның шатырына шыққан қыз секіремін деп шатақ шығарды

Алматыда полициядан қашпақ болған ұрылар бірнеше көлікті тас-талқан етті (фото)

Мақаланың түпнұсқасы: https://kaz.nur.kz/1677062-sinoptikter-qazaqstanda-biylghy-qyst.html