RU

Дәурен Айдарқұловтың бұрынғы әйелі үш баласымен қалай өмір сүріп жатыр? (фото)

Бұдан бір жыл бұрын үш баласының барына қарамастан "Кешью" тобының әншісі Ақбота Сейітмағамбетпен көңіл жарастырып, некеге отырған Дәурен Айдарқұлов елді шулатқан болатын. Үш баласымен жалғыз қалған Баян Әкімжанова бүгінде қалай өмір сүруде?

Баян бүгінде екі қыз, бір ұлын тәрбиелеуде. Ол бала тәрбиесімен қатар қаржы ұйымында жұмыс істеп, қызмет атқаруда.

Ол бүгінде өмірінде болған жағымсыз жайттарды артқа тастап, жаңа өмір бастауға ұмтылуда.

"Ұмытатын екі нәрсе бар: өзіңнің біреуге істеген жақсылығынды ұмыт, біреудің өзіне істеген жамандығын ұмыт", - деп жазған ол желідегі парақшасына.

Ол ел арасында тарайтын түрлі қауесеттер мен өсек сөздерге мән бермеген жөн деп есептейді.

Оның өзінің Instagram парақшасында түрлі ойларын жазып, өмірден түйгендерімен бөліседі.

Баян балаларымен үнемі серуенге шығып, табиғат аясында көптеп демалады. Оны Баянның желідегі парақшасынан байқауға болады.

Сондай-ақ, оның жазбаларына қарап, Баянның Алматыда пәтер жалдап тұрып жатқанын көруге болады. Ол өзінің қалай пәтер іздегенін айтып, жазба қалдырған.

"Көптеген қожайындар үш балалы адамдарға пәтерін жалдауға бермей жатады. Олардың бірі тіпті бұл жақсы емес дегенді де айтып қалған. Қазіргі заманда үш балалы болу, оның ойынша, дұрыс емес. Сіздер мұның неткен бақыт екенін білмейсіздер ғой. Балалар - Алланың аманаты", - деп жазды ол (авт. - материалда желідегі жазбаның үзіндісі қолданылған).

Сонымен бірге ол балаларының әкесі жаңа пәтерге көшу үшін көлігін бермегені туралы да жазды.

"Жексенбі күні біз барлық заттарымызды жаңа пәтерге әкелуіміз керек болған. Жаңа үйге қарай беттедік, екі сағат жүріп, көлігімді тоқтатып, қызымды еміздім. Ол шыдамай кеткендіктен, тоқтауға мәжбүр болдым. Тоқтағаным сол-ақ екен, көлігім қайта оталмай қойды. Мен ондай майда-шүйдеге бас қатырмайтын адаммын. Балаларымның әкесінен көлік сұрап едім, ол да бас тартты. Себебі оның да көлігі бұзылып қалыпты", - деген ол туысындай болып кеткен адамдардың арқасында үш баламен жаңа пәтерге көшіп келгенін айтып, оларға алғысын айтты.

Ол желідегі парақшасына балаларының әжесімен түскен суреттерін үнемі жүктеп отырады. Алайда оның парақшасында елді шулатқан әзілкеш Дәуреннің суреті табылмады.

"Ер-азаматтар, әйелдердің жүрегін жаулағыларың келсе, бойларыңдағы өтірікті, көзбояушылықтан, жалған сөздеріңнен арылыңдар. Ең дұрысы - болмысыңды алдауға тырыспаңдар!", - деп ол ер-азаматтарға өз кеңесін жазған Баян.

Естеріңізге салсақ, Ақбота Сейітмағамбет бүгінде Дәуренмен бірге тұрмайтынын және оның балаларымен араласуға кедергі болмағанын айтқан болатын. Ал әзілкеш болса, ара-тұра балаларымен серуендеп жүрген суреттерін желідегі парақшасына жиі салып жүр.

Тағы оқыңыздар:

"Қызылорда аруы - 2017" атағын 16 жастағы бойжеткен жеңіп алды (фото)

Қайрат Нұртастың жары алғаш рет сахнаға ән айтып шығып, елді таңғалдырды (видео)

Дәрігерлер Оралда газ жарылысынан зардап шеккен келіншектің өмірі үшін күресуде

Үндістанда әйгілі актрисаның басын әкеп берген адамға 1,5 миллион доллар сыйақы бермек

Калифорния жағалауына елес кеме келіп тоқтады (фото, видео)

Мақаланың түпнұсқасы: https://kaz.nur.kz/1682882-dauren-aydarqulovtynh-burynghy-ayeli-u.html