RU

Студенттер тегін тамақтанатын асхана ашқан ақтөбелік кәсіпкер елді тәнті етті

Ақтөбелік кәсіпкер студенттер тегін тамақтанатын асхана ашты. Мұнда күніне 300-дей адам ас іше алады деп хабарлайды 24.kz арнасына сілтеме жасаған NUR.KZ.

Студенттік билетпен тегін берілетін ас мәзірінде сорпа, макарон, нан, шай мен қант бар. Бір студент бірнеше рет келіп жүрек жалғауына да болады.

Аспаздар күніне екі рет ыстық тағам әзірлейді. Жатақханада тұратын студенттер таңғы асты да осы жерден ішіп жүр. Асхана студенттер үшін өте қолайлы жерде орналасқан. Оның айналасында 3 бірдей ірі оқу орны бар.

Тегін тамақтан бөлек мұнда түрлі тәттілер мен ыстық бәліштер сатылады. Ақылы тағамдардың бағасы да арзан.

Сондай-ақ, кәсіпкер әр сенбі сайын студенттерге арнап тегін шеберлік сағатын өткізеді. Мұнда әр саланың білікті мамандары келіп, дәріс оқиды. Ақтөбеге жан-жақтан келіп, оқып жүрген студенттерді қамқорлығына алған кәсіпкер қайырымдылық шараларын да жиі өткізіп тұрады.

"Біз таңертеңнен кешке дейін оқуда болғандықтан, тегін ас ішу бізге ыңғайлы. Және бұл жерге кез келген уақытта келуге болады. Жатақханада тұрғандарға да жақсы. Жалпы барлық студенттерге ыңғайлы асхана деп санаймын. Кәсіпкерлердің бұл істегені - игі іс", - дейді М. Оспанов атындағы Ақтөбе мемлекеттік медицина университетінің студенті Нұрбек Бақсиық.

"Студенттердің көбісі сырттан келген. Сондықтан күнде тамақ алып, оған ақша жұмсау артық шығын болады. Осы жерде барлығы қолжетімді. Тегін іше алады. Ал басқа тамақтар алса, олар да қымбат емес", - дейді кәсіпкер Гүлжан Байжарқынова.

Тағы оқыңыздар:

Қазақстан өркендеуші елдер рейтингінде 10 саты жоғарылады

Сарапшы: Назарбаев кез келген тығырықтан жол табатынын көрсетті

Димаш Құдайберген Қытайда "Жылдың ең үздік әншісі" атанды (видео)

Орнынан тұра алмай жатқан сәбиді тепкен ер адам жұртты шошытты (видео)

Бес салмақ бойынша бұрынғы әлем чемпионы шаршы алаңға қайта оралатын болды

Мақаланың түпнұсқасы: https://kaz.nur.kz/1694422-studentter-tegin-tamaqtanatyn-askhan.html