Анасы шынжырлап ұстаған әйел жұмбақ жағдайда көз жұмды

Мәскеу маңында 37 жастағы әйел жұмбақ жағдайда көз жұмды. Марқұмның денесінен шынжыр іздері мен соққылардың орны байқалған. Оны аянышты күйге түсірген өзінің туған анасы болуы мүмкін деп хабарлайды woman.ru сайтына сілтеме жасаған NUR.KZ.

Марқұмның көршілері айтып бергендей, Ирина Москвитина күйеуімен ажырасқан соң анасының үйінде тұрып жүрген екен. Ал анасы өте қатал, қызына билігін жүргізгісі келетін әйел көрінеді. Сондықтан полиция қызметкерлері күдіктілер қатарындағы бірінша адам - марқұмның анасы болуы мүмкін деп отыр.

Сондай-ақ, Ирина есірткіге құмар болды деген ақпарат та бар. Анасы құқық қорғау органы өкілдеріне қызының нашақор болғанын айтып берген. Оны емдетуге ақшалары болмаған соң, үйінде қолдарын шынжырмен байлап ұстаған екен.

Алайда Ирина Москвитинаның нақты неден көз жұмғаны әлі белгісіз. Оқиға бойынша туралы қылмыстық іс қозғалып, тергеп-тексеру амалдары жүргізілуде.

Бізбен бөлісер қызықты әрі маңызды жаңалығыңыз болса, NUR.KZ порталының WhatsApp нөміріне жолдаңыз: + 7 747 535 12 98