Сұлу боламыз деп құбыжыққа айналған құрбылар өкініп қалды (фото)

Филиппинде құрбы қыздар 10 жылдан бері коссметологтың қателігінен болған ісік беттерімен өмір сүріп келеді. Альвиния Бернадез бен Мауи Кабабао ақшасын үнемдеп, жасырын жұмыс істейтін косметологқа барған деп хабарлайды Life.ru сайтына сілтеме жасаған NUR.KZ.

Косметолог маман 2008 жылы қыздардың беттері мен иектеріне вазелин егіп, бұрынғыдан да сұлу болатындарын айтады. Осыдан кейін үш ай бойы олардың беттері қышып, сүйектері сырқырап, басқа дәрігерлерден көмек сұрайды.

Алайда құрбылар бетіне егілген вазелиннен кейін бірнеше рет ота жасатса да, түр-әлпеттері бұрынғы қалпына келмейді. Альвиния мен Мауиді көшеде көрген жандар бульдог немесе құбыжыққа ұқсатады екен.

"Біз ауылдық жерден келгендіктен, ешнәрсе білмедік. Бір танысымыз осы косметолог жақсы деген соң, одан бетімізге не салып жатырсың деп те сұрамадық", - дейді Альвиния.

Қазір құрбы қыздар үйінен шығуға ұялып, түрлі ауруханалар табалдырығын тоздырып жүр. Олар білікті дәрігер тапсақ, бұрынғы қалпымызға түсер едік деп, әлі де үміттенеді.

Қызықты жаңалығыңыз болса, NUR.KZ порталының WhatsApp нөміріне жолдаңыз: 8 747 535 12 98