Желіде 10 мың теңгелік "жаңа" банкнотаның суреттері тарап кетті

Қазнетте 10 000 теңгелік қағаз ақшаның жаңаланған суреті тарап кетті деп хабарлайды NUR.KZ.

"Жаңа" банкнотаның суреттерін Facebook қолданушылары жариялаған.

"Интернетте 10 000 теңгелік қағаз ақшаның жаңа суреттері пайда болды", - делінген аталмыш суреттің анықтамасында.

Суретте алқызыл-күлгін көк түстес, еуро валютасын еске түсіретін ақша бейнеленген.

Ақшаның бетінде жел генераторы мен бүркіт, сондай-ақ, "Нұр-Әлем" павильоны бейнеленген.

Кейін тағы бір желі қолданушысы "жаңа" купюраның суретін жүктепті. Онда Алматыдағы атышулы тиіннің суреті бар екен.

Ұлттық банк Zakon.kz-ке берген мәлімдемесінде бұл купюралардың жалған екенін ескерткен.