Азық-түлік алуға дүкенге келген бойжеткенді сатушы зорлап тастады

Ресейдегі Саратов облысына қарасты Ершово қаласында жантүршігерлік оқиға орын алды. Дүкенге азық-түлік алуға келген бойжеткен сатушының құрбанына айналды. Мас күйде болған ер адам 17 жастағы қызды зорлап тастаған деп хабарлайды life.ru сайтына сілтеме жасаған NUR.KZ.

Анықталғандай, 28 жастағы ер адам мас күйінде болып дүкенге келген 17 жастағы аруды зорлап тастаған. Азық-түлік сатып алуға келген қыз дүкенде сатушымен ғана қалғанда ол бойжеткенге тиісе берген.

17 жастағы бойжеткенге көмектесетін ешкім болмай қалды. Оқиғадан кейін, қыз бала бірден полицияға хабарлаған. Ер адамға қатысты қылмыстық іс қозғалып, ол қамауға алынды.