Қымбат көлігімен мақтанған Қайрат Нұртас сынға қалды

Отандық танымал әнші өзінің Instagram парақшасына қымбат маркалы автокөлігінің видеосын жүктеп, ел арасында қызу талқы тудырды. Желі қолданушылар Mersedes Benz көлігімен мақтанған Қайрат Нұртастың қылығын ерсі санап, оны сынап тастады деп жазады NUR.KZ.

Әнші өзінің әлеуметтік желідегі парақшасына қымбат автокөлігін жүктеп, оның ерекше нөмірін жұртқа жария етіп мақтанды.

Бұл қылығы үшін Қайрат Нұртас жанкүйерлерінің сынына ұшырады. Желі қолданушылар отандық әртістің бұл әрекетін тым асыра мақтаншақтық пен тәкаппарлыққа теңеген.

"Қайрат аға кереметсіз, бірақ мына қылығыңыз жарамады. Бар екен көлігіңіз білдік, бірақ мақтанып несі бар?"

"Сіздің жағдайыңыз бар екенін онсыз да білеміз. Мақтанғаныңыз ұяттау болды шын айтса" , - деп жазды оқырмандар.