RU
Қазақстан халқын жаппай қымбатшылық күтіп тұр
Жаңалықтар Саясат және экономика

Қазақстан халқын жаппай қымбатшылық күтіп тұр

Рассказать Вконтакте

Үкіметте ұсыныстың басы қымбаттатудан басталды. Астық құны өссе және жанармайы қымбат болса, қоса шарықтайтын нан бағасы не болмақ? Тоннасы 13 мың теңгеге қымбаттаған бидай кімге тиімді және ендігі жерде нанның бағасын үкімет реттей ала ма? Бұл сұрақтарға жауапты 31 арна тілшілері іздеді.

Азық-түлік. Көрнекі фото: Алау

Азық-түлік. Көрнекі фото: Алау

Елімізде бидайдың құны онсыз да рекордттық межеге өсіп үлгерген. Оның үстіне шаруалар пайдаланатын дизель отынының бағасы көтеріліп жатқаны тағы бар.

Қазақстан биыл 20 миллион тонна астық жинауды жоспарлап отыр. Ауыл шаруашылығы министрі Өмірзақ Шүкеев жаздағы құрғақшылықты ескерсек, бұл көрсеткіш өте жақсы дейді. Дегенмен, диқандар ұтылмайтын сияқты.

"Жаңа өнімнің бағасы, егер былтыр бидай 35 мың теңге деңгейінде сатылса, қазіргі таңда 3-ші сыныпты бидайдың 1 тоннасы 48-49 мың теңге тұрады. Біз бағаның одан әрі көтерілуін күтудеміз", - дейді Шүкеев.

Министрлік өкілдері бұл жағдай мемлекетке пайда әкелмесе, зиян келтірмейді деп отыр.

"Баға көтеріліп, бүгінгі бағада тұратын болса, біздің ауылшаруашылықтарына, біздің фермерлерге ол баға жақсы деп есептейміз", - дейді Ауыл шаруашылығы министрінің орынбасары Берік Бейсенғалиев.

Нанның бағасына әсер ететін тағы бір фактор - дизель құны. Өмірзақ Шүкеев мемлекет бөлген арзандатылған жанармай аймақтарға нарықтық бағамен жетіп жатыр деп премьер-министрге шағымданды.

Ал Энергетика министрі Қанат Бозымбаев болса, бәленің бәрі облыстардағы тасымалдаушы операторлардан деп ақталды.

"Энергетика министрлігінің құзыретіне кірмейді. Бұл мәселені Ауыл шаруашылығы министрлігі және тиісті жергілікті органдар реттеу керек. Мысалы 150 теңгеден алады, біздің есеп бойынша 160-тан сату керек. Одан көп болмауы керек", - дейді Энергетика министрі.

Ауыл шаруашылығы министрлігі басшылары жылдағыдай мемлекет тарапынан арзанға бидай сату арқылы нарықтағы бағаны реттейміз деп отыр.

Жоспарланған 20 миллион тонна астықтың жеті миллионы ғана экспортталады десек, қалған бөлігі ішкі нарыққа сатылады екен. Демек, бұл бидайдан тартылған ұнның бағасын қымбаттатпау үшін қазынадан көп ақша жұмсау қажет болатын сияқты.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
11
14
5
1
1
2
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel