Ерекше шашымен әлемге танылған ғажайып сәбилерді білесіз бе?
Опубликовано:
Әдетте дүние есігін ашқан нәрестелердің шашы қалың болмайды. Дегенмен табиғат ана ерекшелік сыйлаған сәбилер де баршылық. Lemurov.net сайтына сілтеме жасаған NUR.KZ порталы кішкентайынан ғаламтор жұлдызына айналған балалар туралы қызықты мәліметтер ұсынады.
Шила Калверт-Йин
Төрт жасар Шила ешқашан шашын таратпайды. Табиғатынан ерекше сәбидің шаш түйіні өзгеше формалы екен. Сондықтан олар үнемі жоғары қарап, көтеріліп тұрады.
Фиби Брасуелл.
Кішкентай америкалық ару да Шила секілді генетикалық ауытқумен туылған. Сондықтан шашы елден ерекшеленіп тұрады.
Мия Афлафо
5 жасар Израиль тұрғыны өзінің өте қалың шашының арқасында Instagram жұлдызына айналып үлгерген. Көпшілік кейде оның шашы жасанды емес пе деп күдіктенеді. Алайда ол табиғатынан солай жаратылған қолаң шашты ару.
Арья Бильгин де дүниеге қалың шашымен келген. Оған тіпті дәрігерлер де таңғалған көрінеді. Анасының айтуынша, ол да кішкентайынан шашы қалың қыз болған. Алайда осыншалық емес дейді ол.
Арьяның жасы қазір екіде. Бірақ кішкентайлығына қарамастан, модельдік агенттіктер онымен жұмыс істеуге жақсы ұсыныстар айтып, бүгінде сәби ересектерше қызмет атқарады.
Мақаланың түпнұсқасы: https://kaz.nur.kz/kaleidoscope/1753840-erekse-sasymen-lemge-tanylgan-gazajyp-sbilerdi-bilesiz-be/