RU

Таразда мешітке кеткен 17 жастағы бала бес ай бойы іздестіріліп жатыр

Тараздың тәртіп сақшылары бес ай бұрын жұмбақ жағдайда жоғалып кеткен Дамир есімді 17 жастағы жеткіншекті іздестіріп жатыр деп хабарлайды «NewTimes.kz» агенттігіне сілтеме жасаған NUR.KZ.

ИФФВИУЦИ
Дамир. Фото: newtimes.kz: UGC

Полицейлердің мәліметінше, жасөспірім 12 шілде күні таңғы уақытта Төле би көшесіндегі орталық мешітке барған. Алла үйінен шыққан соң оны ешкім көрмепті.

Дамирдің бойы шамамен 165 см, дене бітімі арықша келген, шашы қою қара түсті. Сол күні сұр түсті трико мен футболка киіп кеткен.

Оның қайда екені туралы қандай да бір мәлімет білетін жандар мына телефон нөмірлеріне хабарласа алады: 8 (7262) 34-27-10, 34-36-35, 99-75-31.

Мақаланың түпнұсқасы: https://kaz.nur.kz/1761893-tarazda-mesitke-ketken-17-zastagy-bala-bes-aj-bojy-izdestirilip-zatyr.html