RU

Астанада күдікті сөмке үшін ХҚО ғимараты қоршауға алынды

Астанадағы Республика алаңында орналасқан Халыққа қызмет көрсету орталығының күзетшісі полицияға ғимаратта күдікті сөмке бар екенін айтқан. Оқиға орнына жедел түрде полицейлер мен криминалистер жіберілген деп хабарлайды елорданың Полиция департаментіне сілтеме жасаған NUR.KZ.

Фото: yandex.kz
Фото: yandex.kz: UGC

Күдікті сөмке туралы хабарлама 13:35-те келіп түскен. Оқиға орнына жеткен полицейлер бірден Халыққа қызмет көрсету орталығын қызметкерлер мен келушілерден босатыпты.

Алайда тексеру барысында сөмкеден ешқандай тыйым салынған немесе қауіпті заттар табылмаған екен.

Сағат 14:00-ден бастап Халыққа қызмет көрсету орталығы қайтадан қалыпты жұмыс істей бастады.

Мақаланың түпнұсқасы: https://kaz.nur.kz/1762480-astanada-kdikti-smke-sin-hko-gimaraty-korsauga-alyndy.html