Түркіменстан президенті әскерилер сыйлаған құлынға арнап өлең шығарды

Түркіменстан басшысы әскери және құқыққорғау құрылымдарының мал шаруашылығы, құс шаруашылығы, ит асырау, бақша шаруашылығы салаларындағы жетістіктерімен танысты деп жазады Centralasian.org.

9 қаңтар күні елбасы Гурбангулы Бердымұхамедов ІІМ мал шаруашылығы кешенінде болып, Мемлекеттік қауіпсіздік кеңесінің көшпелі отырысын өткізген.

Түркіменстанның күш құрылымдары теплицаларда түрлі көкөніс өсіреді. Бұған қоса сарбаздар Бердымұхамедовтың "Дәрілік шөптер" кітабының көмегімен дәрі дайындап, таулы өңірлерде грек жаңғағын тереді.

Президент сапары кезінде әскерилер оған құлын сыйлаған. Жыл басында туған құлынды ол "Ровач" (Сәттілік) деп атады.

Одан соң түркімен басшысы өзіне сыйға тартылған жануарға арнап өлең шығарған.