Астана таң атысымен қалың тұманның құрсауында қалды (фото)
Опубликовано:
Бүгін Астананы таңнан бері ештеңе көрінбейтін көк тұман басып қалды. Көшелерде ұзын-сонар кептеліс пайда болып, қала тұрғындарының далада жүріп-тұруы қиындай түсті деп хабарлайды NUR.KZ.
Күні кеше ғана Астанада күн күрт жылынып, тұрғындарды таң қалдырған еді. Ал бүгін Астана таң атысымен қалың тұманның құрсауында қалды.
Көк тұманның қою болғаны соншалық, биік үйлердің жоғарғы қабаттары мен көшедегі бағдаршамдар да көрінбейді.
Қала көшелерінде ұзын-сонар кептеліс пайда болды.
Ал кеше ғана балшықтың астында қалған жол жиектері бүгін қайта ақ қардың астында қалды.
Күннің бір жылып, бір суығанынан асфальт бетіне мұз қатқан. Коммуналдық қызмет мамандары кешелі бері көшедегі мұзды ойып әлек.
"Күннің бір суып, бір жылығанынан осылай тұман болып отыр. Өкініштісі, күн де шықпай тұр. Күн бұлтты, сол себепті осылай 3 метр жер де көрінбей тұр" ,- дейді қала тұрғындарының бірі.
Мақаланың түпнұсқасы: https://kaz.nur.kz/accidents/1773656-astana-ta-atysymen-kaly-tmanny-krsauynda-kaldy-foto/