RU
Ырым-тыйымдар: Жүкті әйел шашын қиса не болады?
Жаңалықтар Қоғам

Ырым-тыйымдар: Жүкті әйел шашын қиса не болады?

Рассказать Вконтакте

Қазақ халқы ертеден ырымдарға сеніп, тыйымдарды есте сақтап жүрген. Олардың ішінде жүкті әйел мен жаңа туған сәбилерге қатысты да кеңестер көп айтылған. Ендеше, reactor.infrom.kz сайты әйел мен балаларға қатысты ырым-тыйымдар топтамасын ұсынады.

Көрнекі фото: egemen.kz

Көрнекі фото: egemen.kz

  • Аяғы ауыр әйел шашын кессе – ішіндегі бала кемтар болып туады, бақыты кесiледi.
  • Қазақ балаларын санамайды және санын айтпайды.
  • Қалжа жемеген келіншектің баласы ынжық, болбыр, икемсiз болып өседi.
  • Баланы бесiкке саларда ешкiм сөйлемейдi. Егер бiреу сөйлеп қойса, была жылауық, кейін есейгенде өсекшi болады.
  • Сәби шалқасынан жатып башайын тiстесе, оны “үйiрiн шақырып жатыр” деп ырымдайды. Яғни оның соңынан тағы бiр бала келедi деген түсінік бар.
  • Сәбидiң қырқынан шығарған уақытта қарын шашын алмайтын болса – қарғысы қатты болады.
  • Балаға қарғыс тимеу үшiн оны үш кемпiрдiң бұтының астынан өткiзiп алады.
  • Үйге кiріп жатқан бала есiк алдына құлап қалса – үйге ынтымақ пен береке келедi. Оны төрге апарып үш рет аунатады.
  • Бала шалқасынан жатып ұйықтаса – күллі елге белгiлi азамат болып өседi, бүк түсiп ұйықтаса – уайымшыл, жiгерсiз болып шығады, етпетiнен жатып ұйықтаса – ойшыл болады.
  • Кішкентай балаға асық етiн мүжiтпейдi. “Алты жыл аш болсаң да, асық етiн мүжiме” деген бар.
  • “Бойы өспей қалады” деп, жас балаға бұғана ұстатпайды.
  • Қыздың басына ақ және қара түсті орамал тартпайды. Өйткені, ақ – жаулықтың, қара – қайғы-мұңның белгiсi.
  • Есiктiң тұтқасын жуған сумен көз тиген баланың бетiн, екi алақанын, екi табанын жуса, ол жазылып кетеді.
  • Қалы үлкеймесін деп, қалмен туған балаға “Қалдыгүл, Қалдыбай” деген есім қояды.
  • Әйел итке тас лақтыратын болса– шаңырақтағы ырысы кетедi, әйелдiң бағы қайтады.
  • Өскенде жеңiлтек болмас үшін қыз баланы қырқынан ерте шығармайды.
  • Толғағы қатты болады деп жүкті келiншекке толарсақ жегiзбейдi.
  • Жас босанған келіншек 40 күнге дейiн қолын суық суға салар болса– баласы тас бауыр болады.
  • Бөбек кезінде еңбектемесе – оның бауырынан тағам толы табақ өткiзедi, сонда тез еңбектеп кетедi.
  • Сәбидiң тiлi өз уақытында шықпаса – нағашысының үйiне апарып, бiр қойды сойдырып, соның көтеншегiмен буындырады.
Сіздің реакцияңыз
0
1
1
2
1
7
6
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel