RU
"Кім ойлаған?": Дана Нұржігіт бұрынғы күйеуі өзіне сатқындық жасағанын жайып салды
Жаңалықтар Мәдениет және шоу-бизнес

"Кім ойлаған?": Дана Нұржігіт бұрынғы күйеуі өзіне сатқындық жасағанын жайып салды

Рассказать Вконтакте

Отандық танымал тележүргізуші Дана Нұржігіт бұрынғы күйеуінің опасыздығы туралы жайып салды. Ол 11 мәрте ЭКО жасатып, ұлын дүниеге әкелген шағында жолдасы өзіне сатқындық жасағанын ашып айтты деп жазады KAZ.NUR.KZ.

Тележүргізуші жеке өміріне қатысты тың мәліметтермен бөлісіп, бірінші некесінің шайқалуына не себеп болғанын жеткізді. Ақпарат өкілі Instagram парақшасында жазба қалдырып, бар шындықты баяндаған.

"Тұтқиылдан келген жау болса, мейлі, ал жан тәніңмен берілген жарың сатқындық жасаса ше? Осының уын ішкендер аз емес, білемін! Ана болу жолында жанкештілікке даяр мен ешбір кедергіні көзге ілмейтін едім. Әмбе-әулиелерді аралап,ем іздеп, дәрігерден дәрігер тауып, аяғында ЭКО тәсіліне жүгіндім.

Сол орталықтарды жағалап жүріп, мен небір оқиғаларға куә болдым. Бұл өмірде бәрі де мүмкін! Мен, кезінде қызын қорып, "оқуды ғана біл!" деп өсіріп,аяғында "немерелі болғымыз келеді"деп, отырып қалған кәрі қызын дәрігерге жетектеп, "ішіне бірдеңе салып бер" деп келген шал-кемпірді көрдім, баласымен жасты ұлмен қолтықтасып анализ тапсырып жүрген келіншектерді көрдім, жап-жас қыздың қасынан мосқал тартқан шалды көрдім. Ешкімді айыптамаймын. Бұл-өмір.

Журналист болған соң бәрін көресің. Көресің де,ой түйесін. ЭКО - тәсіл ғана! Ал,қалғаны бір Алланың қолында. Оны дәрігерлер де мойындайды. Табиғаттағыдай бала бірден бойыға қона салмайды. Бір емес,бірнеше рет жасалуы мүмкін. Болмай қалса, психологиялық соққы. Содан соң жиналып алып,қайта тұрып,бәрін басынан бастау!

Ол "адам басына бермесін" дейтін тар жол тайғақ кешу. Мен Әлімді бауырыма алғанша сол жолды 11 рет шыр айналдым! Қазір ойлансам, ақылға қонбайтын жанкештілік!Көзсіздік! Соның бәрін бірге өткен баланың әкесі бір күні сатқындық жасайды деп кім ойлаған" , - деп жазды Дана Нұржігіт.

Айта кетейік, тележүргізуші бірінші күйеуінен ажырасып, 2017 жылы екінші мәрте тұрмыс құрды. Ол шымкенттік кәсіпкермен шаңырақ көтерген.

Сіздің реакцияңыз
12
1
2
58
2
3
3
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel