RU

Тоқаев Сирил Мюллермен дүниежүзілік банктің Қазақстандағы жұмысын талқылады

Мемлекет басшысы дүниежүзілік банктің вице-президенті Сирил Мюллермен кездесті деп хабарлайды Ақорда.

Фото: Ақорда
Фото: Ақорда: UGC

Кездесу барысында Дүниежүзілік банктің Қазақстандағы алдағы жылдарға арналған жоспарлары талқыланды.

Сирил Мюллер Қасым-Жомарт Тоқаевқа әртүрлі сектордағы ынтымақтастықтың қорытындылары, соның ішінде, ауыл шаруашылығы, жаңа технология және жасанды интеллект салаларындағы бірлескен жобалардың жүзеге асырылуы жөнінде мәлімет берді.  

Фото: Ақорда
Фото: Ақорда: Twitter

Сонымен қатар, мемлекеттік басқарудың тиімділігін арттыру және халыққа көрсетілетін мемлекеттік қызмет салаларындағы өзара ықпалдастық мәселелері қарастырылды.

Дүниежүзілік банк тікелей шетелдік инвестициялар тарту бойынша Қазақстанды Орталық Азиядағы көшбасшы ретінде мойындайды және осы бағытта елімізге одан әрі жан-жақты қолдау көрсетуге, сондай-ақ, өңірлік кооперацияның дамуына септігін тигізуге ниетті.

Мақаланың түпнұсқасы: https://kaz.nur.kz/1805384-tokaev-siril-mullermen-dniezzilik-bankti-kazakstandagy-zmysyn-talkylady.html