RU

Алматыда жолға таласқан азамат көлік жүргізушісінің құлағын тістеп алды

Алматыда жолға таласқан көлік жүргізушілері төбелесуғе дейін барған. Соның салдарынан бір адам құлағынан жарақат алды деп хабарлайды Sputnik Қазақстан.

Фото: Instagram/kris_p_brothers_official тобынан скриншот
Фото: Instagram/kris_p_brothers_official тобынан скриншот: Facebook

Instagram желісіндегі Kris_p_brothers тобында жарияланған ақпаратқа сәйкес, төбелес Абай мен Саин көшелерінің қиылысында орын алған.

Екі көлік жүргізушісі бір-біріне жол бермей, ерегісіп қалғанын белгілі болды.

Басылым біреуі көлігін көлденең қойып, екінші жүргізушіні соққыға жыққанын жазды. Сондай-ақ, 21 жастағы бұзақының таяқ жеген көлік жүргізушісінің құлағын тістеп алғаны да айтылды.

Қалалық полиция департаменті оқиғаның болғанын растады.

Ведомство қазіргі уақытта Қылмыстық кодекстің 293-бабы, 1 тармағы бойынша сотқа дейінгі тергеу басталғанын жеткізді.

"Әуезов аудандық полиция басқармасы оқиғаның мән-жайын және куәгерлерді анықтап жатыр. Зардап шеккен азаматтың жарақаты қаншалықты ауыр болғанын сот-медициналық сараптама анықтайды", - деді полиция.

Ведомство бұзақының кінәсі дәлелденсе, 5 000 айлық есептік көрсеткіш көлеміндегі айыппұл төлеуге міндеттелетінін мәлімдеді.

Сондай-ақ, бес жылға дейін бас бостандығынан айырылуы немесе түрмеге қамалуы мүмкін екенін растады.

Мақаланың түпнұсқасы: https://kaz.nur.kz/1808784-almatyda-zolga-talaskan-azamat-klik-zrgizusisini-klagyn-tistep-aldy.html