RU
Ақтөбеде өзбекстандықтар қаза болған жерде Қырғызстан азаматтары апатқа түсті
Жаңалықтар Қоғам

Ақтөбеде өзбекстандықтар қаза болған жерде Қырғызстан азаматтары апатқа түсті

Рассказать Вконтакте

Ақтөбе облысы Ырғыз ауданы Қалыбай аулының тұсында тағы жол апаты тіркелді. Қайғылы оқиға Өзбекстан азаматтары автобус ішінде өртеніп кеткен тұстан 10 шақырым жерде болған деп хабарлайды KAZ.NUR.KZ.

Көрнекі фото: pixabay.com

Көрнекі фото: pixabay.com

Жол-көлік оқиғасы 26 тамыз күні таңғы сағат 7:30-де "Самара – Шымкент" тас жолының 1053-ші шақырымында болған.

Жол апатына түскен "Тойота Альфард" жеңіл көлігінде сегіз Қырғызстан азаматы болған. Полиция қызметкерлерінің мәліметінше, жүргізуші рөлге ие бола алмай қалған.

"Жүргізушінің рөлге ие болмауынан көлік аударылған. Жол көлік оқиғасы кезінде бір Қырғызстан азаматшасы көз жұмды. Жолаушылардың барлығыда Қырғызстан азаматы. Оқиғаға қатысты тергеу жұмыстары жүріп жатыр", - деп деп хабарлады облыстық ПД баспасөз қызметі.

Жолаушылардың арасындағы 12 жастағы бала облыстық балалар ауруханасына жеткізілген. Баланың сан сүйегі, иық сүйегі сынған

"Жол-көлік оқиғасынан жеті адам жеткізілді. Оның бесеуі аурухананың хирургия бөліміне жатқызылды. Жолаушылар жабық бас миының жарақатын, бас миының соғылуы секілді жарақаттар алған. Ем алып жатқан екі әйел адамның жағдайы ауыр", - дейді Ырғыз аудандық ауруханасының реаниматолог Мәди Күшенов.

Айта кетейік, 2018 жылы "Самара – Шымкент" тасжолының 1068-ші шақырымында автобусқа отқа оранып, 52 өзбек азаматы көз жұмған еді.

Тағы да оқыңыздар
Жүктеу...
Mailfire view pixel