Толқын Забирова Еркеш Шакеевтің қызын ұзатты (видео)

Белгілі әнші Толқын Забирова өзінің Instagram парақшасында танымал композитор Еркеш Шакеевтің қызының ұзату тойынан видео жариялады. Онда әнші композиордың қызын ұзатқанын байқауға болады деп жазады KAZ.NUR.KZ.

Аталмыш видеоға қатысты әнші:

"Белгілі қайғылы оқиғадан кейін, Еркеш пен Жаннаның шаңырағы қуанышқа бөленіп отыр! Жаратушыма мың алғыс. Кеше ғана кішкентай Меруерт балапанымыз бүгін өз бақытын тауып, бәріміздің жүрегімізді елжіретті. Мьюка-Аваз бақытты, балалы болыңдар!

Әке мен ананың көз жасын Алла көрсетпесін! Арман Дүйсеновтың Қалқажан әнімен қызымызды бақытты өмірге шығарып салдық! Қыздарымыз барған жерде бағы ашылып, бақытты болсын", - деген жазба қалдырған.

Желі қолданушылары да жас жұбайларға ақжарма тілектерін жаудырған.

Олар "Бақыттың болыңдар", "Көтерген шаңырақтарың биік болсын", "Алла ата-анаңды енді жылатпасын", "Барған жеріңді бақытты қыл" деген тілектерін жарыса жазып жатыр.