RU
"Қазақмыс" басшысы Лос-Анджелестегі зәулім жекежайына қатысты жауап берді

"Қазақмыс" басшысы Лос-Анджелестегі зәулім жекежайына қатысты жауап берді

Рассказать Вконтакте

"Қазақмыс" ЖШС директорлар кеңесінің төрағасы Эдуард Огай KAZ.NUR.KZ порталына берген сұхбатында америкалық БАҚ-та пайда болған Лос-Анджелестегі жекежайының сатылуына қатысты пікір білдірді. Бұл элиталық жылжымайтын мүлік 30 млн долларға бағаланған.

Фото: dirt.com

Фото: dirt.com

БАҚ-та Лос-Анджелестегі сізге тиесілі жекежай сатылымға қойылды деп жазуда, бұл ақпарат қаншалықты рас?

- 2014 жылы жылжымайтын мүлікке инвестиция салатын менің компаниям жекежайды сатып алған.

Бұл жер телімі сізге қанша шығын әкелді және оны сатып алу үшін осынша қаражатты қалай жинадыңыз?

- Жекежайды 40 млн долларға алдық. Оның 60% Аxosbak бөлсе, қалған 40% инвесторлардан жинадық.

Біз біреуінде жаңа үй салу үшін, екіншісінде жөндеу жұмыстарын жүргізу үшін үйдің аумағын екі учаскеге бөлдік.

Жоба аяқталған соң қанша табыс табуды көздеп отырсыз?

- Екі үйдің әрқайсысын 30 млн доллардан сатуды көздеп отырмыз. Егер келіссөздер нәтижелі аяқталса, онда біз бірнеше миллион пайда табамыз.

Сіз осы үйде тұрып көрдіңіз бе? Уақытыңыздың көп бөлігін қайда өткізесі?

- Менің отбасым бұл үйде тұрмаған және тұрмайды. Отбасым екі қалада: Алматы және Мәскеуде тұрады. Мен Алматыда тұрамын, бірақ бизнесім бойынша Мәскеуде жиі боламын.

Үйдің сатылымынан түскен қаржыны қайда инвестициялауды жоспарлап отырсыз?

- Егер сату бойынша келіссөздер нәтижелі аяқталса, біз түскен пайданы Қазақстан экономикасына инвестициялауды жоспарлап отырмыз. Егер сіздерге қызық болса, хабарлайтын боламыз.

Фото: dirt.com

Фото: dirt.com

Естеріңізге салсақ, бұған дейін қымбат жекежай туралы ақпарат Variety журналында жарияланған болатын.

Жекежай "Беверли парк" аумағында орналасқан. Жалпы аумағы 3,5 мың шаршы метрді қамтиды. Мұнда 10 жатын бөлмесі және 16 ванна бөлмелері бар.

Фото: dirt.com

Фото: dirt.com

Сондай-ақ, жекежайда жаттығу залы, бассейн, үй кинотеатры және шарап қоймасы бары айтылған.

Виллаға 73 бақуатты адам көрші болып тұр. Олардың ішінде Эдди Мерфи, Сильвестр Сталлоне, Род Стюарт сияқты танымалдар бар.

Сіздің реакцияңыз
3
0
0
0
0
0
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel