RU

Пойыз бен автобустың соқтығысуы: Тоқаев марқұмның туыстарына көңіл айтты

Мемлекет басшысы Қасым-Жомарт Тоқаев Алматы облысындағы пойыз және автобустың қатысуымен болған жол апатынан қаза тапқан жанның туыстарына көңіл айтты. Бұл туралы ел басшысы өзінің Twitter парақшасында жазған деп хабарлайды KAZ.NUR.KZ.

Фото: Ақорда
Фото: Ақорда: UGC
"Алматы обл. Ақсеңгір-Шамалған теміржол өткелінде поезд автобусқа соқтығысты. Автобуста 67 адам болған. Бір адам көз жұмды, жарақат алғандар бар. Туған-туыстарына көңіл айтамын. Тергеу жұмысы басталды", - деп жазды президент.

Еске сала кетейік, бұған Шамалған маңында пойыз бен автобустың соқтығысқаны жайлы хабарланған болатын.

Сондай-ақ, алдын-ала мәліметтер бойынша екі адамның қаза болып, тоғыз адамның жарақат алғаны айтылған еді.

Мақаланың түпнұсқасы: https://kaz.nur.kz/1816654-pojzyben-avtobusty-soktygysuy-tokaev-markmdardy-tuystaryna-kil-ajtty.html