RU
Асан Дарбаев ТМРК төрағасы болып тағайындалды

Асан Дарбаев ТМРК төрағасы болып тағайындалды

Рассказать Вконтакте

Қазақстанның ұлттық экономика министрінің бұйрығымен Асан Көбентайұлы Дарбаев Ұлттық экономика министрлігінің табиғи монополияларды реттеу комитетінің төрағасы лауазымына тағайындалды деп хабарлайды primeminister.kz-ке сілтеме жасаған KAZ.NUR.KZ.

Асан Дарбаев. Фото: primeminister.kz

Асан Дарбаев. Фото: primeminister.kz

Дарбаев 1984 жылы Ақмола облысында дүниеге келген.

Ол Әл-Фараби атындағы Қазақ ұлттық университетін, Т. Рысқұлов атындағы Қазақ экономика университетін, Қазақстан президенті жанындағы мемлекеттік басқару академиясын, Warwick университетін («Болашақ» бағдарламасының стипендиаты) тәмамдаған.

Еңбек жолын 2005 жылы ҚР Қаржы министрлігінің құрылымында бастаған. Түрлі жылдары "Бәсекелі саясатты дамыту және қорғау орталығында", Алматы облысы бойынша Монополияға қарсы басқармада бәсекелестікті қорғау бөлімінің бас маманы, басшысы қызметтерін атқарған. 

2013-2014 жылдары бәсекелестікті қорғау агенттігінде Квазимемлекеттік сектор және тұтынушылардың құқықтарын қорғау департаменті директорының орынбасары, Мемлекеттік кәсіпорындар мен қосылуларын бақылау департаментінің директорының орынбасары болды. 

2014-2015 жылдары Қазақстанның Ұлттық экономика министрлігінің Табиғи монополияларды реттеу және бәсекелестікті қорғау комитетінің Мемлекеттік кәсіпорындар мен қосылуларын бақылау басқармасын басқарды. 

2015-2017 жылдары — ҰЭМ Табиғи монополияларды реттеу және бәсекелестікті қорғау комитетінің төрағасының орынбасары. 2017 жылдан бастап қазірге дейін ҰЭМ Табиғи монополияларды реттеу, бәсекелестікті және тұтынушылардың құқықтарын қорғау комитеті төрағасының орынбасары болып еңбек етті. 

Сіздің реакцияңыз
0
0
0
0
0
0
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel