RU
"Қуанышымыз ұзаққа созылған жоқ": Ердос Қанаев тұңғышы жайлы шындықтың бетін ашты

"Қуанышымыз ұзаққа созылған жоқ": Ердос Қанаев тұңғышы жайлы шындықтың бетін ашты

Рассказать Вконтакте

"Жігіттер" тобының әншісі Ердос Қанаев алғаш рет жұрттан жасырып келген құпиясын айтып берді. Өнер иесі сырын Астана телеарнасындағы "Той жыры" бағдарламасында ақтарды деп хабарлайды KAZ.NUR.KZ.

Өнер иесі жарымен бірге басқа түскен сынақты сабырлықпен көтере алғандарын жеткізді.

"Алғаш рет ата-ана болдық деп қуанып жүрдік. Бірақ үлкен баламыз сынақпен келді. Ауыр диагнозбен туып, екі айға дейін вакумде жатты. Жалпы қуанышымыз ұзаққа созылған жоқ. Бала өмірге келді деген кезде қатты қуандық та, артынан жаңағыдай жағдайды естігеннен кейін екеуімізге қатты соққы болды", - деді Ердос Қанаев.

Әртістің сөзінше, оның медициналық мекеме мен үйдің арасында жүргеніне 9 жыл болыпты.

"Қазір 9 жаста. Маған көп адам Instagram желісінде: "Үлкен балаңызды неге көрсетпейсіз? Төрт балам бар дейсіз, бірақ біреуі қайда?" деп жазады. Осы күнге дейін біреуге тіс жарып айтпаппын. Үлкен ұлымыз үлкен сынақпен келді. Алланың сынағы деп қабылдаймыз. Жалпы аурухана мен үйдің арасында жүргенімізге 9 жылдың жүзі болды", - деді Ердос.

Одан бөлек, өнер иесі төрт баласы бар екенін, отбасына көп көңіл бөлуге тырысатынын білдірді.

Сіздің реакцияңыз
0
0
0
29
1
0
1
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel