RU

Саясат сахнасында жүрген көпбалалы әкелер кімдер (фото)

Қазақстанда кәмелетке толмаған төрт баласы бар отбасы - көпбалалылар қатарына жатады. Олардың тізіміне қарапайым халық қана емес, жоғары лауазымды қызмет атқарып жүрген тұлғалар да бар деп жазады Sputnik Қазақстан.

Коллаж: NUR.KZ
Коллаж: NUR.KZ: Facebook

Бауыржан Байбек 

Саясатта жүрген көпбалалы әкелердің бірі – "Nur Otan" партиясы төрағасының бірінші орынбасары Бауыржан Байбек. 45 жастағы әке бес бала тәрбиелеп отыр. Жұбайы – Жанар Байбек.

Фото: NUR.KZ
Фото: NUR.KZ: Original

Ғабидолла Әбдірахымов

Шымкенттің экс-әкімі  Ғабидолла Әбдірахымовтың 4 баласы бар: Әсел (1998), Аделя (2003), Алтынай (2009) және Әлихан (2004). Жұбайының аты-жөні – Данара Әбдірахымова.

Фото: NUR.KZ
Фото: NUR.KZ: Original

Мағзұм Мырзағалиев

Ел демографиясына үлес қосып жүргендердің бірі – экология, геология және табиғи ресурстар министрі Мағзұм Мырзағалиев. 40 жастағы шенеунік жұбайы Айым Мырзағалиевамен 5 бала тәрбиелеп отыр.

Фото: ortcom.kz
Фото: ortcom.kz: UGC

Елжан Біртанов

Көпбалалы атқамінерлер тізіміне денсаулық сақтау министрі Елжан Біртанов та жатады. Министр қазір 48 жаста, 4 баласы бар.

Фото: NUR.KZ
Фото: NUR.KZ: UGC

Жеңіс Қасымбек

Облыс әкімдерінің арасында да көпбалалы әкелер баршылық. Соның бірі – бір ай бұрын Қарағанды облысының әкімі болып тағайындалған Жеңіс Қасымбек.

44 жастағы шенеуніктің Ақерке, Жансая, Ләйлім және Мәди есімді төрт баласы бар. Жұбайы – Ақжан Қасымбек.

Фото: facebook.com/Kasymbek.Zhenis
Фото: facebook.com/Kasymbek.Zhenis: UGC

Нұрлан Ноғаев

Атырау облысы әкімінің 5 ұлы және бір қызы бар. Әйелі – Бағдагүл Ахметова.

52 жастағы Нұрлан Ноғаев Атырау облысын 2016 жылдың көктемінен бері басқарады. Осыған дейін Батыс Қазақстан облысының әкімі болған.

Фото: facebook.com/AkimatAtyrau
Фото: facebook.com/AkimatAtyrau: UGC

Қуанышбек Ысқақов

Осы жазда Қызылорда облысының әкімі болған Қуанышбек Ысқақов та көпбалалы саясаткерлердің қатарында. 51 жастағы өңір басшының 5 баласы бар.

Фото: e-kyzylorda.gov.kz
Фото: e-kyzylorda.gov.kz: UGC

Серікбай Тұрмов

Маңғыстау облысының әкімі де 5 бала тәрбиелеп өсірген. 55 жастағы атқамінер мамандығы бойынша инженер-құрылысшы.

Тұрмов Маңғыстау облысының әкімі қызметіне 2019 жылдың 13 маусымында тағайындалған болатын. Әр жылдары Маңғыстау облысы Түпқараған ауданының әкімі, Маңғыстау облысы әкімінің орынбасары, Жаңаөзен әкімі, Ақтау әкімі, Маңғыстау облыстық маслихаттың хатшысы қызметтерін атқарған.

Фото: mangystau.gov.kz
Фото: mangystau.gov.kz: UGC

Болат Бақауов

Павлодар облысын басқаратын Болат Бақауов – бес баланың әкесі. 48 жастағы шенеунік әр жылдары  Ақсу қаласының әкімі, Павлодар қаласының әкімі, Павлодар облыстық мәслихатының депутаты қызметтерін атқарды. Бір кездері жеке кәсіпкер де болған.

Фото: pavlodar.gov.kz
Фото: pavlodar.gov.kz: Facebook

Құмар Ақсақалов

Солтүстік Қазақстан облысының әкімі Құмар Ақсақаловтың да 5 баласы бар. 54 жастағы Ақсақалов облысты 2017 жылдың 14 наурызынан бері басқарады. Әр жылдары Жамбыл облысы әкімінің орынбасары, Қазақстан президенті әкімшілігі басшысының орынбасары қызметтерін атқарған.

Фото: СҚО баспасөз қызметі
Фото: СҚО баспасөз қызметі: Facebook

Мақаланың түпнұсқасы: https://kaz.nur.kz/1823259-saasat-sahnasynda-zrgen-kpbalaly-keler-kimder-foto.html