Ресейде күйеуімен ұрысқан әйел бес айлық баласының көзін ойып алды

Ресейде Таштып ауылының тұрғыны күйеуімен ұрысып қалған келіншек бес айлық баласының көзін ойып алған. Бұл туралы ca-news.org сайтына сілтеме жасаған KAZ.NUR.KZ хабарлайды.

Басылымның мәліметінше, 36 жастағы әйелдің психикасында ақау болған.

Ол күйеуі Абаканға кетіп қалғанда төрт жастан 14 жасқа дейінгі үш баласын бөлмеге қамап қойып, мүлде шықпау қажеттігін айтқан.

Осыдан кейін кішкентай баласының көзін ас үй пышағымен ойып алған.

Басылым хабарлауынша, үйге келген азамат көзі жоқ баласы мен оған бір нәрсе айтып отырған жұбайын көрген.

Балақай ауруханаға жеткізілді. Ал анасы қамауға алынған.