RU
Тоқаев Айдос Сарым бастаған Ұлттық сенім кеңесінің мүшелерімен кездесті

Тоқаев Айдос Сарым бастаған Ұлттық сенім кеңесінің мүшелерімен кездесті

Рассказать Вконтакте

Мемлекет басшысы Қасым-Жомарт Тоқаев Ұлттық сенім кеңесінің мүшелерін қабылдады деп хабарлайды Ақорданың баспасөз қызметі.

Қасым-Жомар Тоқаев пен Айдос Сарым. Фото: Ақорда

Қасым-Жомар Тоқаев пен Айдос Сарым. Фото: Ақорда

Кездесу барысында "Байтақ болашақ" Экологиялық альянсы" РҚБ президенті Азаматхан Әміртаевпен еліміздегі экологиялық ахуал, халықтың экологиялық түсінігі мен мәдениетін арттыру мүмкіндіктері секілді мәселелер талқыланды.

Азаматхан Әміртаев шағын және орта бизнесті қолдауға және экологиялық жобаларды іске асыру үшін шетел инвестициясын тартуға қатысты бірқатар ұсыныс айтты.

Фото: Ақорда

Фото: Ақорда

"Қазақстан барысы" даму қоры Қамқоршылық кеңесінің төрағасы Арман Шораев президентке ішкі және сыртқы туризм саласындағы кейбір қордаланған проблемаларды шешу жолдарын, қазақ күресін халықаралық аренада ұлттық бренд ретінде қалыптастыру жайындағы көзқарасын жеткізді.

Фото: Ақорда

Фото: Ақорда

Қоғам қайраткері, саясаттанушы Айдос Сарыммен кездесуде Қазақстандағы гуманитарлық ғылымның даму перспективалары, еліміздің қоғамдық-саяси өміріне оның әсері, "Рухани жаңғыру" бағдарламасының жүзеге асырылуы мен идеологиялық саясаты сияқты мәселелер қозғалды.

Қасым-Жомарт Тоқаев Ұлттық қоғамдық сенім кеңесінің алғашқы отырысынан кейін Кеңес мүшелері тарапынан айтылған ұсыныстар Президент Әкімшілігі мен үкіметте өткен жиындарда талқыланып, пысықтау жұмыстары жүргізілгенін атап өтті.

"Нақты нәтижелерге қол жеткіздік. Жуық арада кейбір заңнамаларға енгізілетін өзгерістерді пысықтау керек. Содан кейін Ұлттық кеңестің екінші отырысы шақырылады", – деп қорытындылады президент.

Сіздің реакцияңыз
2
0
2
0
0
1
1
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel