RU
Ақша табамын деп хабарсыз кеткен ұлын іздеген ана 14 жылдан соң қауышты

Ақша табамын деп хабарсыз кеткен ұлын іздеген ана 14 жылдан соң қауышты (видео)

Рассказать Вконтакте

КТК арнасындағы Астарлы ақиқат бағдарламасына көмек сұрап келген ана баласының 14 жыл бұрын табыс табу үшін елден кеткенін айтты. Оның сөзінше, ұлы Өзбекстаннан Қазақстанға қоныс аударғаннан кейін біраз уақыттан соң мүлде хабарсыз кетіпті деп хабарлайды KAZ.NUR.KZ.

15 жыл бұрын табыс табамын деп хабарсыз кеткен баласын іздеген ана ұлымен қауышты

Фото: Видеодан кадр

Ұлын іздеп табу үшін Өзбекстаннан арнайы келген әйел оның жұмыс істеп, отбасына көмектесу үшін кеткенін айтты. Алайда баласы хабар-ошарсыз қалып, тіпті, әкесін ақырғы сапарына аттандыра алмапты.

"2005 жылы ұлым табыс табуға кетті. Оны қайта келеді деп күттік. Кейін ағалары іздеп артынан кетті. Бірақ таба алмады. Жақсы бала еді. Апа, қайта келемін деп уәде берген....Күйеуім қайтыс болды. Ұлын көре алмай кетті", - деп ағынан жарылды ана.

Сағыныштан сарғайған ана ұлымен бағдарлама барысында қауышты. Ер адам неліктен үйіне қайтып оралмай, хабарсыз кеткенін сөз етті.

"Колледжге жаңадан түскен кезде, 17 жасымда Қазақстанға келдім. Әкеме барып: Достарыммен елге шығып, жұмыс істеп қайтайын" дедім. Үйдің жағдайын көріп тұрсыз ғой" дедім. Жұмыста жүріп, құжатымды жоғалтып алдым. Әртүрлі объектте істеп жүрдік. Көшіп-қонып жүргенде құжатым жоқ болды", - дейді ол.

Құжатсыз қалған ер адам бірнеше рет полицияға ұсталып, қамауға алынғанын сөз етті.

Сол себепті де ол полициядан, елшіліктен көмек сұрауға қорыққан екен. Осылайша азамат өзге елде тұрып, отанына қайта оралмаған.

Сонымен қатар, белгілі болғандай ер адамның екі інісі әкелері ауыр халде жатқан кезде Қазақстанға келіп, ағаларын іздестірген, алайда таба алмай, үйлеріне қайтып кеткен.

Әкесімен қоштаса алмаған кейіпкер оны түсінде жиі көретінін алға тартты.

"Әкем түсімде ақ киіммен келеді. Маған қолын созады. Мен де созамын, бірақ жете алмаймын. Шақырады. Бірақ мен бара алмаймын. Сосын шошынып оянып кетемін", - деді ол.

Айтуынша, әкесі ұлын өзге елге аттандырар алдында ақ батасын бергенімен, ішінде үрейі болғанын жасырмапты.

Сіздің реакцияңыз
0
0
0
10
1
0
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel