Выйти
RU

"Басқаша әрекет ете алмаймыз": Алматы облысының бас дәрігері үндеу жасады

Рассказать в Telegram Рассказать Вконтакте

Алматы облыстық денсаулық сақтау басқармасының жетекшісі Бауыржан Ысқақ тұрғындар арасында тарайтын жалған ақпарат медицина мамандарының негізгі жұмыстарына айтарлықтай кедергі келтіретінін жеткізді деп хабарлайды KAZ.NUR.KZ ҚазАқпаратқа сілтеме жасап.

"Басқаша әрекет ете алмаймыз": Алматы облысының бас дәрігері үндеу жасады

Бауыржан Ысқақ Фото: Облыстық баспасөз қызметі

«Желіде таралатын жалған ақпараттар дәрігерлер жұмысына айтарлықтай кедергі келтіреді. Өйткені ел арасында денсаулық сақтау саласына қатысты қандай да бір жаңалық шыққан жағдайда, біз оны тексеріп, қайдан шыққанын анықтап білуіміз керек.

Өз кезегінде ол біздің осыған дейін жасап кеткен жұмысымызды қайта қарап, тексеруге мәжбүр етеді. Яғни біз мамандардың басым бөлігін осы жұмысқа бағыттаймыз да, дәрігерлер атқаруы тиіс негізгі жұмыстар кейінгі қалып қояды.

Біз басқаша әрекет ете алмаймыз, өйткені біз тараған ақпараттың рас немесе жалған екенін білмейміз. Ал оны анықтауға өте көп уақыт кетеді. Сондықтан мен ел азаматтарын тек тексерілген ресми ақпараттарға ғана сенуге шақырамын», - деді Бауыржан Ысқақ.

Естеріңізге сала кетейік, соңғы деректер бойынша, елімізде коронавирус инфекциясын жұқтырғандардың саны 308-ге жетті.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
"Басқаша әрекет ете алмаймыз": Алматы облысының бас дәрігері үндеу жасады