Выйти
RU

Елеусінов коронавирус пандемиясы аяқталған соң бұрынғы әлем чемпионымен кездеспек

Рассказать в Telegram Рассказать Вконтакте

Жартылай орта салмақта өнер көрсететін қазақстандық кәсіпқой боксшы Данияр Елеусінов бұрынғы әлем чемпионы Джулиус Индонгоға қарсы жекпе-жегін коронавирус пандемиясы аяқталған соң өткізеді деп хабарлайды KAZ.NUR.KZ порталы.

Данияр Елеусінов. Фото: instagram.com/yeleussinovdaniyar

Данияр Елеусінов. Фото: instagram.com/yeleussinovdaniyar

Бұған дейін қос боксшы арасындағы кездесу 17 сәуірде Америка Құрама Штаттарында өтеді деп жоспарланған, алайда жекпе-жек коронавирус пандемиясына байланысты кейінге шегерілді.

Отандасымыз да Instagram әлеуметтік желісіндегі парақшасында намибиялықпен қай күні жұдырықтасатынын нақты айта алмайтынын жеткізді.

"Құдай қаласа бұл жекпе-жек алдағы уақытта өтеді... Бүкіл әлемді шулатқан пандемия Алланың қалауымен өтіп кетсе осы жекпе-жекке дайындаламыз", - деп жазды қазақстандық боксшы.

Еске сала кетсек, 28 жастағы Данияр Елеусінов соңғы кездесуінде жартылай орта салмақтағы WBC Continental Americas бұрынғы чемпионы, АҚШ спортшысы Алан Санческе қарсы өткізді.

Жекпе-жекте айқын басымдылығын көрсеткен отандасымыз қарсыласын бесінші раундта нокаутқа жіберді.

2019 жылы Данияр Елеусінов төрт жекпе-жек өткізді. Олардың барлығы 29 жастағы боксшының жеңісімен аяқталды.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Елеусінов коронавирус пандемиясы аяқталған соң бұрынғы әлем чемпионымен кездеспек