RU

БҚО-да орманнан шыққан өрт ауылға жетіп, 40-тан астам адам эвакуацияланды

Батыс Қазақстан облысында орманнан шыққан өрт ауылға кіріп, 40-тан астам адам қауіпсіз жерге көшірілді деп хабарлайды KAZ.NUR.KZ порталы ҚазАқпарат-қа сілтеме жасап.

БҚО-да орманнан шыққан өрт ауылға кіріп, 40-тан астам адам эвакуацияланды
Фото: БҚО ТЖД: UGC

БҚО ТЖ департаментінің баспасөз қызметі мәлім еткендей, Ақжайық ауданы Бударин ауылдық округі Коловертное ауылынан 10 км жерден шыққан табиғи өрт 13 және 14 шілде күндері 16 гектар аумақты қамтыды.

БҚО-да орманнан шыққан өрт ауылға кіріп, 40-тан астам адам эвакуацияланды
Фото: БҚО ТЖД: UGC

14 шілде күні сағат 18.02-де оқшауланған өрт салдарынан бір тұрғын үй, бір адам тұрмайтын үй және 4 шаруашылық құрылысы жанды. 42 адам эвакуацияланып, 15 бас ірі қара, 25 уақ жандық, 30 тауық шығарылды.

БҚО-да орманнан шыққан өрт ауылға кіріп, 40-тан астам адам эвакуацияланды
Фото: БҚО ТЖД: UGC

Аталмыш ауылда 55 үйде 130 адам тұрады. Кейін тұрғындар өз үйлеріне оралды, зардап шеккендер жоқ.

БҚО-да орманнан шыққан өрт ауылға кіріп, 40-тан астам адам эвакуацияланды
Фото: БҚО ТЖД: UGC

14 шілде күні сағат 09.27-де Теректі ауданы Шағатай мен Ақсоғым ауылдары арасында 16 гектар құрғақ шөп пен бұталар отқа оранды.

БҚО-да орманнан шыққан өрт ауылға кіріп, 40-тан астам адам эвакуацияланды
Фото: БҚО ТЖД: UGC

13 шілде күні өңірде 5 табиғи өрт (3 дала, 2 орман өрті) және 9 табиғи жану тіркелді. 14 шілде күні де 9 табиғи жану болды. Қазір өрт шарпыған аумақ нақтылану үстінде.

БҚО-да орманнан шыққан өрт ауылға кіріп, 40-тан астам адам эвакуацияланды
Фото: БҚО ТЖД: UGC

Оқиға орнына облыс әкімі Ғали Есқалиев барды. Өңір басшысының тапсырмасына сәйкес жедел штаб құрылып, жағдай бақылауға алынды.

БҚО-да орманнан шыққан өрт ауылға кіріп, 40-тан астам адам эвакуацияланды
Фото: БҚО ТЖД: UGC

Еске сала кетсек, елордада өрт сөндіруге келген көліктің суы таусылып, баспана түгі қалмай жанып кеткені туралы жазған едік.

Мақаланың түпнұсқасы: https://kaz.nur.kz/1864926-bko-da-ormannan-sykkan-rt-auylga-zetip-40-tan-astam-adam-evakuacialandy.html