Қорғаныс министрі радиолокаторлық станцияның жұмысымен танысып қайтты

Қорғаныс министрі генерал-лейтенант Нұрлан Ермекбаев бөлімдер мен құрамаларды аралау барысында 2019 жылы Ақтау гарнизонына қызметке түскен «НҰР» GM 403 радиолокаторлық станцияның жұмысымен танысып қайтты.

Қорғаныс министрі генерал-лейтенант Нұрлан Ермекбаев бөлімдер мен құрамаларды аралау барысында 2019 жылы Ақтау гарнизонына қызметке түскен «НҰР» GM 403 радиолокаторлық станцияның жұмысымен таныстырылды.

Әскери техниканы өндіруші «Қазақстан инжиниринг «ҰК» АҚ құрамына кіретін «Гранит-Талес Электроникс» қазақстандық кәсіпорыны болып табылады.

Әуе шабуылына қарсы қорғаныс әскерлері мамандарының пікірінше «Нұр» GM 403 радиолокаторлық станциясы жағымды жағынан көрсетті. Болашақта «Нұр» радиолокаторлық станцияларын әуе шабуылына қарсы қорғанысының барлық бөлімдеріне, соның ішінде ағымдағы жылы әскери бөлімдердің біріне жеткізу жоспарлануда.