RU

Қазақстандағы «Алдаспан-2020» ауқымды оқу-жаттығулары қалай өтіп жатыр

Telegram logo VKontakte logo

Дайындық жоспарына сәйкес Қарулы Күштерде «Алдаспан-2020» жедел-тактикалық командалық-штабтық оқу-жаттығу басталды.

Қорғаныс министрлігі

Фото: Қазақстан Республикасы Қорғаныс министрлігі

Оқу-жаттығуға «Оңтүстік» өңірлік қолбасшылығының, Десанттық-шабуылдау әскерлері мен Әскери-әуе күштерінің басқару органдары мен әскери бөлімдері тартылды. Әскер оқу-жаттығу дабылымен көтеріліп, штаттық техникамен Жамбыл облысында орналасқан «Мәтібұлақ» полигонына барды.

Оқу-жаттығудың негізгі мақсаты заңсыз қарулы құралымдарға қарсы күрес кезінде бірлескен іс-қимылдарды пысықтау болып табылады. Әскери маневрлер ауданына келген әскерлер тобы, жергілікті жерді барлауды жүзеге асыруы, оқу-жаттығу жауынгерлік міндетін алуы, шартты қарсыласты анықтауы, сондай-ақ дағдарыс ауданында тұрақтылықты қалпына келтіру бойынша арнайы операция жүргізуі тиіс.

Қорғаныс министрлігі

Фото: Қазақстан Республикасы Қорғаныс министрлігі

Оқу-жаттығудың ерекшелігі қазіргі заманғы қарулы қақтығыстар тәжірибесін енгізу болып табылады. Басқару органдары, штабтар, классикалық шешім қабылдаудын айырмашылығынан басқа, тез өзгеретін жағдайды ескере отырып, бөлімшелердің міндеттерін нақтылап, күн сайын жауынгерлік іс-қимылдарды жоспарлайды. Бұл қол жетімді күштер мен құралдарды тиімді пайдалануға, материалдық ресурстарды үнемдеуге және адам ресурстарын қорғауға мүмкіндік береді.

курсанттар ант қабылдау 1

Тағы да оқыңыздар

Әскери институттың курсанттары онлайн режимде ант қабылдады (фото)

Сонымен қатар, оқу-жаттығу барысында заңсыз қарулы құрамаларға қарсы күресте өзінің тиімділігін көрсеткен танк бөлімшелері мен әскери авиация күштерін қолданудың жаңа нысандары мен әдістерін пайдалану жоспарлануда.

Оқу-жаттығу ағымдағы жылдың 23 қыркүйегіне дейін жалғасады.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

comments icon Пікірлер
Развернуть
Қазақстандағы «Алдаспан-2020» ауқымды оқу-жаттығулары қалай өтіп жатыр