RU

Қазақстанда екінші ай қатарынан несиелер саны азайып келеді

Ақша теңге1
Көрнекі фото: NUR.KZ

Халықаралық нарықтағы экономикалық күйзелістермен қатар ел тұрғындары үшін тәуекелдер де артып келеді. Бұл азаматтардың қаржылық преференцияларынан көрінеді. Қазақстандағы несиеге деген көзқарастың қалай өзгергені туралы Нұрфин материалынан оқыңыздар.

2020 жылдың үшінші тоқсанында экономикалық дағдарыстың әсері күшейе түсті. Ол қазақстандықтардың қаржы нарығындағы мінез-құлқының өзгеруінен көрінеді. FinProm.kz аналитикалық порталының хабарлауынша, екінші деңгейлі банктер несиелік келісімшарттарды айтарлықтай аз рәсімдеген.

Несие статистикасы

Ағымдағы жылдың тамыз айының басында барлық екінші деңгейлі банктердің несиелік портфелі 14,86 трлн теңгені құрады. Яғни, несие көлемі алдыңғы аймен салыстырғанда 0,9%-ға аз болып шықты.

Бұған дейін көрсеткіштердің 0,5%-ға төмендеуі болған. Бұл екінші ай қатарынан қазақстандықтар аз-аздан несие беретіндігін көрсетеді.

Қазақстандағы он ірі банктің ішіндегі бір айдағы несие өсімі екі ұйымда ғана байқалады. Сонымен бірге жылдық есеппен алғанда он ірі банктің тоғызы теріс болды.

Ипотекаға пайдалы

Ипотекалық несиелеу нарығы жеке дамып келеді. Сол кезеңде ол тұрғын үй заемдарын берудің рекордтық көлемін көрсетеді: 2020 жылы тамызда 30 172 транзакция жасалған.

Нурфин оқырмандарының сауалнамасына сәйкес, дауыс берген 320-дан астам адамның 23%-ы биыл жылжымайтын мүлік сатып алған.

Сонымен бірге респонденттердің 41%-ы үй сатып алуды жоспарлап отыр. Оқырмандардың төрттен бірі баспана бағасының құлдырауынан үмітті.

Депозиттің өсуі

2020 жылғы шілде айының соңында банктердегі депозиттер 3,1%-ға өсті, бұл 596,8 млрд теңгені құрайды. Бір жыл ішінде – 18,2%, нәтижесінде тамызда қазақстандықтардың барлық депозиттерінің көлемі 19,9 трлн теңгені құрады. Бұл туралы Ranking.kz хабарлайды.

Сонымен бірге, банктің міндеттемелеріндегі депозиттердің үлесі 78,3% құрайды. Екінші деңгейлі 27 банктің ішінде депозиттер көлемі 20 қаржы институтында жақсы нәтиже көрсетеді.

Депозиттердің жалпы көлемінде 10 ірі банктің үлесі 86,8%-ға жетті.

Депозиттер қазақстандықтар арасында ақшаны сақтаудың кең тараған тәсілі болып қала береді. Жабылу қаупі бар банктердегі депозиттер депозиттерге кепілдік беру қорымен қорғалады.

Кепілдендірілген қайтару көлемінен асқан залалды тарату комиссиясының көмегімен де қайтаруға болады.

Яғни, осы статистикаға сәйкес, халық өз жинақтарын сақтауға тырысады. Сонымен бірге несиеге деген қызығушылық төмендеуде. Негізінен ірі және сенімдірек банктерге деген сенім артқан.

Еске салсақ, мәжіліс депутаты еліміздегі жеке және заңды тұлғаларға ауқымды несиелік рақымшылық жасауды ұсынды. Ол өз ұсынысын карантинге байланысты көпшілік табысынан айырылғандығымен, енді адамдарға бұрын алған несиелерін төлеу қиынға соққанымен негіздеді.

Оған қоса, парламент мәжілісінің депутаты Азат Перуашев әлеуметтік төлемдерді белгілегенде тұтынушылық қоржынды есепке алу қажет екенін мәлімдеді.

Мақаланың түпнұсқасы: https://kaz.nur.kz/1875744-kazakstanda-ekinsi-aj-katarynan-nesieler-sany-azajyp-keledi.html