RU

Әскери кафедраларға түсушілер үшін медициналық комиссиядан өту мерзімі 10 қазанға дейін ұзартылды

Медициналық комиссия
Фото: Қазақстан Республикасы Қорғаныс министрлігі

Республикалық жоғары оқу орындарында 35 әскери кафедра жұмыс істейді. Жыл сайын 6000-ға жуық запастағы офицерлер шығарылады.

Қазіргі уақытта өңірлердегі студенттердің басым бөлігі медициналық куәландырудан өтті. Нұр-Сұлтан қаласында қыркүйек айының алғашқы күндерінен бастап медициналық комиссиядан 1000-нан астам кандидат студент өткен болатын.

Жоғары оқу орындарының әскери кафедраларына түсуге ниет білдірушілердің көптеп келуін ескере отырып, республика бойынша медициналық куәландырудан өту мерзімі 2020 жылғы 10 қазанға дейін ұзартылды.

Естеріңізге сала кетейік, Қорғаныс министрлігінің құзыретіне регламенттік рәсімдер кірмейді. Медициналық комиссиялардың орналасқан жері, олардың құрамы мен жұмыс кестесі жергілікті атқарушы органдардың шешімдерімен айқындалған. Әкімдіктердің шешімі бойынша медициналық тексеру күн сайын сағат 14-тен 18-ге дейін жүргізіледі.

Мақаланың түпнұсқасы: https://kaz.nur.kz/1876350-skeri-kafedralarga-tsusiler-sin-medicinalyk-komissiadan-tu-merzimi-10-kazanga-dejin-zartyldy.html