RU

2015 жылы ЖОО-лардағы техникалық мамандықтарға білім гранттарының саны ұлғайтылады

2015 жылы Қазақстан ЖОО-ларындағы техмамандықтарға деген білім гранттар саны ұлғайтылады. Бұл туралы Білім және ғылым вице-министрі Тақир Балықбаев ҚазТАГ-қа мәлімдеді.

"ҮИИД-2 бағдарламасы мен мемлекет басшысының тапсырмасын орындауға байланысты біз техникалық мамандықтарға деген және салалық магистратурадағы гранттар санын, мемлекеттік тапсырысты ұлғайтамыз", - деді Балықбаев дүйсенбідегі брифингіде.

Мұнымен қатар ол соңғы жылдары техникалық мамандықтарға деген білім гранттарының саны ұлғайып келе жатқанын атап өтті.

Мәселен, 2014 жылы бакалавриат бойынша 35 мың гранттың 12 мыңнан астамы техникалық мамандықтарға бөлінген.

Сондай-ақ вице-министр "Нұрлы жол" аясында 10 ЖОО іріктеліп жатқандығын жеткізді деп хабарлайды Baq.kz.

Тахир Балықбаев өз сөзінде Елбасымыздың елімізді индустриалдық-инновациялық дамыту бағдарламасы шеңберінде 10 ЖОО базасында мамандар дайындаудың ғылым жəне экономика салаларымен байланысын қамтамамыз етуді, сонымен қатар, 2017 жылға дейін аталған оқу орындарының материалдық-техникалық базасын құруға 10 млрд теңгені бөлуді тапсырғандығын атап өтті.

"Біз аталған бастамының жоғарғы білікті техникалық мамандарды дайындауда жаңа мүмкіндіктердің жолын ашатынына толық сенімдіміз. Сол себепті бүгінгі таңда университеттеріміздің ұстаздары да студенттері де оны өте ерекше ықыласпен қолдап отыр. Бүгінгі күні еліміздің аймақтықтарында 11 ЖОО-нын анықтадық. Олар қазір арнайы дайындық жұмыстарын жүргізіп жатыр. Жыл соныңда солардың ішінен 10 ЖОО іріктелініп алынып, олар жаңа технологиялық үрдістерді есепке ала отырып, шетелдік əріптестерімізбен бірлесіп əзірленген жаңа білім беру бағдарламаларын жүзеге асыратын болады", - деді вице-министр.

Бүгінгі күні таңдалып алынған 11 ЖОО: Астана қаласында құрылыс материалдарын өндіру, ақпараттық технологиялар, агро өнеркəсіп кешендері бойынша мамандарды дайындауға Л.Гумилев атындағы Еуразия Ұлттық университеті, С.Сейфуллин атындағы қазақ агро-техникалық университеттері, еліміздің орталық аймақтарында салалық мамандандыру үрдістерін ескере отырып Қарағанды мемлекеттік техникалық университеті осы тізімге еңгізіліп отыр.

Шығыста машина құрылысы, металлургия, энергетика жəне мұнай-химия салалары бойынша мамандарды дайындау үшін Серікбаев атындағы Шығыс Қазақстан техникалық университеті, С.Торайғыров атындағы Павлодар мемлекеттік университеті, Алматы қаласынан əл-Фараби атындағы ҚазҰУ, Қ.Сатпаев атындағы ҚазҰТУ, Қазақ Ұлттық агро университттері базалық оқу орындары болады. Оңтүстік жəне солтүстік өңірлерден М.Əуезов атындағы ОМУ, А.Байтұрсынов атындағы Қостанай мемлекеттік университеті, Батыс Қазақстанда Атырау мұнай жəне газ институты.

Мақаланың түпнұсқасы: https://kaz.nur.kz/341966-2015-zhyly-zhoo-lardagy-tehnikalyk-mamandyktarga-bilim-granttarynyn-sany-ylgajtylady.html