Тараздағы оқушы қыздың зорлануы: Бірнеше полиция қызметкері жазаланды

Таразда жетінші сынып оқушысы мектеп аумағында зорланғаннан кейін полицияның бірнеше қызметкері жазаланды деп хабарлайды KAZ.NUR.KZ Жамбыл облысы полиция департаментіне сілтеме жасап.

"Тараздағы орта мектепте жасалған қылмысқа байланысты ПУ, ПБ-2, ПБ-2, ПБ-2 ЖПҚ бастықтарына, ПБ- 2 ювеналды полиция жұмысын ұйымдастыру жөніндегі аға инспекторға қатаң сөгіс жарияланды, ал мектеп инспекторы ішкі істер органдарынан босатылды", - деп хабарлады департаменттен.

Ведомствода атап өткендей, облыс әкімі Асқар Мырзахметовтың тапсыруымен қызметтік топ құрылды. Ол мектептегі оқушылардың қауіпсіздігін қамтамасыз ету мәселесіндегі олқылықтарды анықтауы тиіс.

"Мектеп жанындағы аумақтарда кәмелетке толмағандардың жыныстық қол сұғылмаушылығына қарсы қылмыстарды болдырмау жөніндегі жұмысты күшейту мақсатында күндізгі және кешкі уақытта полиция қызметкерлері мектеп әкімшілігінің өкілдерімен бірлесіп патрульдеу ұйымдастырылып жатыр.

Мектеп инспекторларының іс-әрекеті де қайта қаралды. Мектептегі бейнебақылау камераларынан тек директордың ғана емес, сонымен қатар директордың тәрбие ісі жөніндегі орынбасары мен мектеп инспекторының кеңсесіндегі бейнебақылау камераларынан суретті шығарып алу мәселесі қарастырылуда", - деді ПД.

Кәмелет жасқа толмағандар жасаған және кәмелет жасқа толмағандарға қатысты қылмыстардың алдын алу және жолын бөгеу мәселелері облыс ПД басшысының күнделікті бақылауында.

Естеріңізге сала кетейік, бұған дейін Таразда жетінші сынып оқушысының дәретханада зорланғаны туралы хабарланған. Алдын ала мәліметтерге сәйкес, мектеп оқушысы 12 жаста.

Жантүршігерлік жайттан кейін мектеп директоры мен үш қызметкер жұмыстан босатылды.