Kaspi Bank қызметкерлерін кепілге алған қарулы ер адам ұсталды

Kaspi Bank-тің Астанадағы бөлімшесінде бірнеше адамды кепілге алған басқыншы ұсталды, деп хабарлайды KAZ.NUR.KZ тілшісі.

Видеодан кепілге алынғандардың қашып шығып жатқанын байқауға болады.

Қауіпсіздік күштері Kaspi Bank ғимаратына баса-көктеп кіріп, басқыншыны ұстады.

Полицияның мәліметінше, кепілге алынғандардың барлығы босатылған. Ешкім зардап шеккен жоқ, деп жазады журналист Михаил Козачков өзінің Telegram-каналында.

Банк бөлімшесін басып алған ер адамды полиция ұстағаны хабарланды.

Кейін әлеуметтік желілерде кепілге алынғандардың кейбірін жедел жәрдем көлігі алып кеткені туралы ақпарат пайда болды.