Жамбыл облысында кәріз тазарту қондырғысынан екі баланың денесі табылды

Жамбыл облысы, Шу қаласында желгілікті тұрғын кәріз тазарту қондырғысынан екі баланың денесін алып шыққан. Бұл туралы ТЖМ Telegram-дағы ресми арнасында хабарлады.

Ведомство мәліметінше, 2023 жылғы 9 шілдеде сағат 18.00 шамасында Шу қаласында жергілікті тұрғын кәріз тазарту қондырғысынан 2013 жылы туған екі баланың денесін алып шыққан.

"Ересектердің қарауынсыз қалған балалар ойнап жүріп, суға батып кеткені анықталды", - дейді ТЖМ өкілдері.

Аталған дерек бойынша сот-медициналық сараптама тағайындалған.

ТЖМ өкілдері ересектерге балаларды қараусыз қалдырмауды, оларға қауіпсіздік ережелерін үйретуді тағы да еске салды.