Алматылық әйел өз-өзіне қол жұмсады
Жарияланған күні:
Бүгін Алматыда үш баланың анасы, жас келіншектің өз-өзіне қол жұмсағаны белгілі болды. Бұл туралы марқұмның көршісі хабарлады. Оқиғаға қатысты қалалық полиция департамент пікір білдірді.
Үш баланың анасы өз-өзіне қол жұмсап, қаза болғанын Алматы қаласының тұрғыны Facebook-тегі парақшасында хабарлады. Айтуынша, марқұм көршісі болған.
"Үй тұрғындарының және көршілерінің айтуынша, ол жиі тұрмыстық зорлық-зомбылыққа ұшыраған. Мен растай алмаймын. Мән-жайды тергеу анықтайды. Алайда адамдар өмірден жайдан-жай кетпейді", - деп жазды әйел.
Бұл оқиғаға Алматы қалалық полиция департаменті пікір білдірді.
Ведомство мәліметінше, аталған дерек Қылмыстық кодекстің 105-бабы бойынша сотқа дейінгі тергеудің бірыңғай тізіліміне тіркелген.
"Әуезов аудандық ПБ-на қарасты полиция бөлімінің қызметкерлері 1994 жылы туған Б.есімді азаматтың не себепті қайтыс болғанын анықтауға бағытталған кешенді тергеу шараларын жүргізуде", - делінген полиция департаменті хабарламасында.
Құқық қорғау органы қылмыстық іс бойынша Қылмыстық-процестік кодекстің 201-бабына сәйкес өзге ақпарат тергеу мүддесіне орай жария етілмейтінін атап өтті.
Мақаланың түпнұсқасы: https://kaz.nur.kz/accidents/2029450-almatyda-us-balasy-bar-aiel-oz-ozine-qol-zumsady/
