Дүкендерде дүрбелең, кептіліс: жер сілкінісі Қырғызстанда қалай сезілді (видео)

Жер асты дүмпулерін қазақстандықтар ғана емес, көршілес елдер – Өзбекстан мен Қырғызстан тұрғындары да сезді. Оқиға орнынан түсірілген видеолар әлеуметтік желілерде жарияланып жатыр, төтенше жағдайлар қызметі мәлімдеме жасады.

23 қаңтарға қараған түні Астана уақытымен cағат 00:09 шамасында жер сілкінді.

Сейсмологиялық байқау және зерттеулер ұлттық ғылыми орталығының мамандары жер сілкінісінің ошағы Алматыдан оңтүстік-шығысқа қарай 264 шақырым жерде Қазақстан мен Қырғызстан шекарасында орналасқанын мәлімдеді.

Қырғызстан халқы желіге жер сілкінісі кезінде түсірілген видеоларды жүктей бастады.

Дүкендерде де кезек көбейе бастаған. Видеодан кәрі-жас демей көп адамның дүкендерде кезекте тұрғанын көруге болады.