Қытай аумағында тағы екі афтершок тіркелді: Қазақстанда сезілді ме
Жарияланған күні:
Қазақстандық сейсмологтар Қытай территориясында болған екі афтершокты тіркеді. Бұл туралы ҚР ТЖМ Ұлттық сейсмобақылау орталығына сілтеме жасаған KAZ.NUR.KZ хабарлады.
Біріншісін ҚР ТЖМ "СБЗҰҒО" ЖШС сейсмикалық станциялар желісі бүгін сағат 04:44-те тіркеді. Жер сілкінісінің эпицентрі Қытай аумағында, Алматыдан солтүстік-шығысқа қарай 406 км жерде орналасқан.
Екінші афтершок сағат 06:29-да тіркелді. Жер сілкінісінің эпицентрі Алматыдан оңтүстік-шығысқа қарай 282 км жерде, Қытай аумағында.
Екі жағдайда да Қазақстан аумағында сілкініс сезілмеді.
Мақаланың түпнұсқасы: https://kaz.nur.kz/accidents/2064495-almatynyn-sygysynda-tagy-eki-ret-zer-silkindi/
