Алматыда мектептің бас бухгалтері мен директорының орынбасары 11 млн теңге жымқырғаны үшін сотталды

Алматыда мектептердің бірінің бас бухгалтері мен директорының орынбасарына сот үкімі шықты – олардың әрқайсына 3 жылдан бас бостандығын шектеу жазасы тағайындалды. Бұл туралы қалалық прокуратураға сілтеме жасаған KAZ.NUR.KZ хабарлайды.

Қадағалаушы орган өкілдерінің мәлімдеуінше, Алмалы ауданының прокуратурасы мектептердің бірін тексеру барысында негізсіз жалақы есептеу жолымен бюджет қаражатын жымқыру фактісін анықтаған.

"2019 жылғы қаңтардан 2023 жылғы тамызға дейінгі кезеңде мемлекеттік қаражатты жымқыру мақсатында өзінің қызметтік жағдайын пайдалана отырып, бас бухгалтер және директордың шаруашылық бөлімі жөніндегі орынбасары мемлекеттік бюджеттен төлемдерді негізсіз төлеген", – делінген хабарламада.

Қылмыстық әрекеттер салдарынан мемлекетке 11 млн теңге көлемінде залал келген.

Қалалық прокуратураның мәліметінше, кінәлілер коммерциялық ұйымдарда басшылық лауазымдарды атқару құқығынан айырыла отырып, 3 жыл мерзімге бас бостандығы шектелді.

Залал толық көлемде өтелді. Үкім заңды күшіне енді.