Су астында қалған Құлсарының қазіргі жай-күйі қандай

Атырау облысындағы Құлсары қаласы су тасқынынан қатты зардап шекті – өткен аптада қаладан мыңдаған адам эвакуацияланды. Massaget.kz басылымы Құлсары қаласының қазіргі келбетін көрсетті.

6 сәуірде қаладан 15 мың адам эвакуацияланса, оның 5,5 мыңға жуығы балалар екені хабарланды. Эвакуация үш бағытта жүргізілді: Атырау қаласына, Теңіз вахталық лагеріне және Маңғыстау облысының Бейнеу ауданына.

Кейін Қазақстан президенті Қасым-Жомарт Тоқаев Атырау облысының әкімі Серік Шәпкеновпен телефон арқылы сөйлесті. Мемлекет басшысы өңірдегі су тасқыны жағдайын бақылауда ұстап отырғанын атап өтті.

Сонан соң Құлсарыға премьер-министр Олжас Бектенов келді.