Солтүстік Қазақстанда анасы мен сегіз баласына иіс тиіп, уланып қалды

Солтүстік Қазақстан облысының Антоновка ауылында бір отбасының тоғыз адамы уланып қалды. Олардың барлығы ауруханаға жатқызылды, деп хабарлайды Petropavlovsk.news.

Басылым ақпаратынша, төтенше жағдай 25 сәуірде таңертең болған – 112 пультіне Айыртау ауданында адамдар уланғаны жөнінде хабарлама түскен.

Кейін анасы мен сегіз баласы зардап шеккені белгілі болды. Әйелдің өзі 34 жаста, балалардың үлкені 15 жаста, кішісі 6 жаста. Олардың барлығы аудандық ауруханаға жатқызылды.

Алдын ала мәлімет бойынша, олар қатты отынмен жанатын пешті пайдалану ережесін бұзғаннан, яғни пештің жапқышын мерзімінен бұрын жапқаннан уланған.

Басылым отбасының бұл үйге небәрі екі күн бұрын, яғни 23 сәуірде жөндеу жұмысы жүріп жатқан кезде көшкенін жазады. Бұған дейін Төтенше жағдайлар қызметінің қызметкерлері үйді аралау кезінде өрт қауіпсіздігі ережелерін сақтау ережелері жазылған парақшалар таратқан. Мұнда иіс газын анықтау құрылғысы да орнатылған. Бұл отбасы мүшелерімен өрт қауіпсіздігі ережелерін сақтау бойынша профилактикалық жұмыстар жүргізілді.

СҚО Төтенше жағдайлар департаменті қайғылы жағдайдың алдын алу үшін тұрғындарға үйлері мен пәтерлерінің өртке қарсы жағдайын тексеруді, әсіресе пештің және электр сымдары мен электр құрылғыларының жұмысқа жарамдылығына назар аударуды қатаң түрде ескертеді. Егер қандай да бір кемшіліктер анықталса, олар дереу жөнделуі керек.

Өрт шықса, дереу 101 немесе 112 нөмірлеріне хабарлаңыз.