Оралда бастауыш сынып мұғалімін өлтіріп кетті: күдікті ұсталды
Жарияланған күні:
Оралдық полицейлер бастауыш сынып мұғалімі Надежда Никитинаны өлтірді деген күдікке ілінген азаматтың ұсталғанын хабарлады. Күдікті қамауға алынды, деп хабарлайды "Мой город" басылымына сілтеме жасаған KAZ.NUR.KZ.
БҚО полиция департаментінің хабарлауынша, келіншекті өлтірді деген күдікке ілінген азамат 25 сәуір күні ұсталған.
"Ол бұған дейін сотталған Орал тұрғыны болып шықты. Ол бастауыш сынып мұғалімі Надежда Никитинаны өлтірді деген күдікке ілінді", - деп хабарлайды басылым.
Полиция қызметкерлері аталған факт бойынша қылмыстық іс қозғады. Күдікті қамауға алынды.
Еске сала кетейік, 59 жастағы бастауыш сынып мұғалімі Надежда Никитинаның денесі 25 сәуір күні өз пәтерінен табылған болатын.
Мақаланың түпнұсқасы: https://kaz.nur.kz/accidents/2092403-oralda-bastauysh-synyp-mugalimin-oltirip-ketti-kudikti-ustaldy/
