Жезқазғанда ер адам полиция көлігінде қайтыс болды
Жарияланған күні:
![Полиция көлігі Полиция көлігі](https://cdn.nur.kz/images/1120x630/3d5d33b266be5506.jpeg)
Жезқазғанда медициналық мекемеге сараптамадан өтуге кетіп бара жатқан ер адам полиция көлігінде көз жұмды. Бұл туралы Ұлытау облысының полиция департаментіне сілтеме жасаған KAZ.NUR.KZ хабарлайды.
Ведомствоның баспасөз қызметі таратқан мәлімет бойынша, 14 мамырда қала тұрғыны полицияға күйеуінің мас күйде жанжал шығарып жатқанын хабарлаған.
Оқиға орнына барған учаскелік инспекторлар ер адамды медициналық мекемеге тексеру үшін алып бара жатқанда оның жағдайы күрт нашарлап кеткенін байқаған, көп ұзамай ол қайтыс болып кеткен.
Сараптама қорытындысы бойынша, ер адам алкогольдік кардиомиопатия салдарынан жүрек жеткіліксіздігінен көз жұмған. Қазір бұл факт бойынша сотқа дейінгі тергеу амалдары жүргізіліп жатыр.
"Облыстық полиция департаментінің өзіндік қауіпсіздік басқармасы қызметтік тексеру жүргізіп, полиция қызметкерлерінің іс-әрекетінде заңбұзушылық болмағанын анықтады", - деді ведомствоның баспасөз қызметі өкілдері.
Мақаланың түпнұсқасы: https://kaz.nur.kz/accidents/2101916-zhezqazganda-er-adam-politsiia-koliginde-qaitys-boldy/