Алматы маңында Шекара қызметінің жүк көлігі жыраға құлап кетті
Жарияланған күні:
![Жол-көлік апаты салдарынан зақымдалған көлік Жол-көлік апаты салдарынан зақымдалған көлік](https://cdn.nur.kz/images/1120x630/b7cfbc9e25b7f01c.jpeg)
Жексенбі, 2 маусымда Алматыда жол-көлік оқиғасы болып, шекарашылар зардап шекті. Бұл дерек бойынша тергеу басталды, деп хабарлайды Ұлттық қауіпсіздік комитетінің шекара қызметіне сілтеме жасаған KAZ.NUR.KZ.
Zakon.kz басылымының жазуынша, Шекара қызметінің жүк көлігі өз жолағымен келе жатқан кезде қарама-қарсы жолаққа мотоциклдер шығып кеткен. Салдарынан жүк көлігі жыраға құлап кетті.
Ұлттық қауіпсіздік комитетінің шекара қызметінің баспасөз қызметі бұл деректі растап, тергеу басталғанын хабарлады.
"Ауыр жараланғандар жоқ, шекарашыларға медициналық көмек көрсетілді, ауруханаға жатқызуды қажет етпеді", - деді Шекара қызметінің өкілдері.
Алматы полиция департаменті жол апатының мән-жайы анықталып жатқанын мәлімдеді.
Мақаланың түпнұсқасы: https://kaz.nur.kz/accidents/2111223-almaty-mangynda-shekara-qyzmetining-zhuk-koligi-zhyraga-qulap-ketti/