Теміртауда үш жасар бала терезеден құлап, қаза болды

Желіде Теміртауда кішкентай бала бесінші қабаттың терезесінен құлап кетіп, қаза болды деген ақпарат тарады. Ақпаратты облыстық денсаулық сақтау басқармасының өкілдері растады, деп хабарлайды KAZ.NUR.KZ.

Telegram-дағы "Вечерний Караганда" арнасының мәліметінше, Теміртау қаласында 3 жасар бүлшіршін 5-қабаттың терезесінен құлап кеткен. Бала үйде үлкендердің қарауынсыз қалған.

"Ол бірнеше жарақатпен қалалық көпсалалы ауруханаға жатқызылды, сол жерде бала көз жұмды", - деп жазады басылым авторлары.

NUR.KZ тілшісі Қарағанды облысы денсаулық сақтау басқармасының баспасөз қызметіне хабарласты. Дәрігерлер бұл ақпаратты растады.

"Бала ауыр жарақаттан көз жұмды", - деді ведомство өкілдері.