Атырауда итті тірідей өртеп жібергендер ұсталды
Жарияланған күні:
Атырауда итті тірідей өртеп жібергендер ұсталды. Бұл туралы AtyrauPress басылымы хабарлады.
Оқиға 19 маусымда сағат 23:30 шамасында Қызылқоға ауданы Мұқыр ауылына жақын жерде болған. Жануарды қатыгездікпен өлтірген деген күдіктілер анықталып, ұсталған. Олар – 2003 және 2007 жылы туған тұрғындар.
Видеода ер адамдардың бірі иттің үстіне от қойғаны көрінеді. Содан жануар отқа оранады.
"Қазіргі таңда қылмыстық іс қозғалып, тергеу жүргізілуде. Күдікті УҰИ-на қамауға алынды. Өзге ақпарат тергеу мүддесіне сәйкес жариялауға жатпайды", - деп хабарлайды Атырау облысы полиция департаменті өкілдері.
KAZ.NUR.KZ редакциясы оқиғаның видеосын жарияламайды.
Мақаланың түпнұсқасы: https://kaz.nur.kz/accidents/2121201-atyrauda-itti-tiridei-ortegender-ustaldy/
